Back

ⓘ Dahlan Djambek




Dahlan Djambek
                                     

ⓘ Dahlan Djambek

Kolonel Dahlan Djambek adolah surang tokoh tantara, pajuang kamardekaan sarato mantari dalam Kabinet PRRI. Baliau pernah manjabat Mantari Dalam Nagari sarato Mantari Pos jo Telekomunikasi dalam Kabinet PRRI pado taun 1958. Dahlan barasa dari tantara jo pangkek kolonel katiko itu.

Pamarentahan Revolusioner Republik Indonesia atau disingkek PRRI adolah suatu pamarentahan nan dibantuak dek babarapo urang tokoh nan idak pueh kapado jalannyo pamarentahan nan dipimpin Presiden Soekarno katiko itu, diantaronyo Syafruddin Prawiranegara, Soemitro Djojohadikoesoemo, Ahmad Husein, Maludin Simbolon sarato nan lain-lain.

Sasudah pamarentah pusek bahasil maradam garakan PRRI, Dahlan Djambek jo tokoh-tokoh PRRI lain-nyo bagarilya di hutan-hutan Sumatera bagian tangah. Katiko nak manyarahan diri dari tampek garilyanyo di hutan, baliau tewas ditembak dek pasukan OPR, suatu pasukan semi militer binaan pamarentah pusek. Dahlan Djambek adolah putra dari ulama basa Minangkabau, Muhammad Djamil Djambek.