Back

ⓘ Gampo bumi Sumatera Barat 2009



                                               

Gampo bumi

Gampo bumi adolah getaran nan tajadi di pamukoan bumi akibaik lapehnyo energi dari dalam sacaro tibo-tibo sainggo mambuek galombang seismik. Gampo bumi biaso tajadi dek karak Bumi nan bagerak. Cakupan wilayahnyo, mangacu pado jinih sarato ukuran gampo bumi nan dialami salamo periode wakatu. Gampo bumi diukua jo alaik Seismometer. Moment magnitudo adolah skala nan paliang umum dimano gampo bumi tajadi untuak saluruah dunia. Skala Rickter adolah skala nan dilaporkan dek observatorium seismologi nasional nan diukua pado skala gadangnyo lokal 5 magnitude. Kaduo skala nan samo salamo rantang an ...

Gampo bumi Sumatera Barat 2009
                                     

ⓘ Gampo bumi Sumatera Barat 2009

Gampo bumi Sumatera Barat 2009 tajadi jo kakuatan 7.6 Skala Richter di lapeh pantai Sumatera Barat pado pukua 17:16:10 WIB tanggal 30 September 2009. Gampo ko tajadi sakitar 50 km barat lauik Kota Padang. Gampo manyababkan karusakan parah di babarapo wilayah di Sumatera Barat sarupo di Kabupaten Padang Pariaman, Kota Padang, Kabupaten Pesisir Selatan, Kota Pariaman, Kota Bukittinggi, Kota Padangpanjang, Kabupaten Agam, Kota Solok, jo Kabupaten Pasaman Barat. Manuruik data Satkorlak PB, sabanyak 1.117 urang tewas dek gampo ko nan taseba di 3 kota & 4 kabupaten di Sumatera Barat, korban luko barek mancapai 1.214 urang, luko ringan 1.688 urang, korban ilang 1 urang. Sadangkan 135.448 rumah rusak barek, 65.380 rumah rusak sadang, & 78.604 rumah rusak ringan.

                                     

1. Latar balakang

Provinsi Sumatera Barat ado di antaro patamuan duo lempeang banua gadang lempeang Eurasia jo lempeang Indo-Australia sarato patahan sesar Semangko. Di dakek patamuan lempeang ado patahan Mentawai. Katigonyo marupokan daerah seismik aktif. Manuruik catatan ahli gampo wilayah Sumatera Barat punyo siklus 200 tahunan gampo gadang nan pado mulo abaik ka-21 alah mamasuaki maso barulangnyo siklus.

                                     

2. Kajadian

Bencana tajadi sabagai akibaik duo gampo nan tajadi kurang dari 24 jam pado lokasi nan relatif badakekan. Pado hari Rabaah 30 September tajadi gampo bakakuatan 7.6 pado Skala Richter jo pusek gampo episentrum 57 km di barat dayo Kota Pariaman 00.84 LS 99.65 BT pado kadalaman hiposentrum 71 km. Pado hari Kamih 1 Oktober tajadi lai gampo kaduo jo kakuatan 6.8 Skala Richter, kali iko bapusek di 46 km tenggara Kota Sungaipenuh pado pukua 08.52 WIB jo kadalaman 24 km. Salapeh kaduo gampo iko tajadi rangkaian gampo susulan nan labiah lamah. Gampo patamo tajadi pado daerah patahan Mentawai di bawah lauik samantaro gampo kadua tajadi pado patahan Semangko di daratan. Getaran gampo patamo dilaporkan taraso kancang di saluruah wilayah Sumatera Barat, utamonyo di pasisia. Guncangan juo dilaporkan dari Pematang Siantar, Medan, Kuala Lumpur, Bandar Seri Begawan, Lembah Klang,Jabodetabek, Jakarta, Singapura, Pekanbaru, Jambi, Pulau Batam dari Kota Batam, Palembang jo Bengkulu. Dilaporkan baso pangalola sajumlah gaduang batingkek di Singapura mangevakuasi stafnyo. Karusakan parah tajadi di kabupaten-kabupaten pasisia Sumatera Barat, bagian selatan Sumatera Utara sarato Kabupaten Kerinci Jambi. Samantaro Palabuahan udaro Internasional Minangkabau mangalami karusakan pado sabagian atok palabuahan udaro sepanjang 100 meter nan nampak hancua jo sabagian jaringan listrik di palabuahan udaro taputuih pulo. Taleso ditutuik jo alasan kaamanan, palabuahan udaro dibukak baliak pado tanggal 1 Oktober.

                                     

3. Pasca gampo

Paringatan tsunami ado dikaluakan namun sagiro dicabuik dan ado laporan karusakan rumah maupun kabakaran. Sajumlah hotel di Padang rusak, dan upayo untuak mancapai Padang cukuik susah akibaik taputuihnyo komunikasi. Korban tewas akibaik gampo taruih batambuah, dicamehan mancapai ribuan orang. Namun demikian, hinggo tanggal 4 Oktober 2009, angka rasmi nan dikaluaan Badan Nasional Penanggulangan Bencana BNPB adolah 603 urang korban tewas jo 343 urang dilaporkan ilang. Pado tanggal 13 Oktober 2009, angka korban tewas maningkek manjadi 6.234 jiwa. Patolongan nan amaik dibutuahan dek korban gampo nan utamo adolah kakurangan ubek-ubekan, aia barasiah, listrik, jo telekomunikasi, sarato mangevakuasi korban lainnyo.

                                     

3.1. Pasca gampo Bantuan

Pajabaik Indonesia manyabuikan baso jumlah korban tewas kamungkinan akan meningkek tajam dek karano sajumlah gadang urang takuruang dalam bangunan nan rubuah. Pihak bawenang mangumumkan baso babarapo tim pananggulangan bancano sadang dalam pajalanan ka Padang walaupun butuah babarapo jam bagi mareka untuak mancapai daerah-daerah nan bajauhan. Relawan bancano barasia manyalamaikan puluha korban dari runtuahn dan bagageh maantakan korban ka Rumah Sakik M. Djamil, Padang. Rumah sakik itu surang alah kawalahan manangani pasien dan akhianyo banyak pasien nan dirawaik di tenda nan didirian di lua rumah sakik. Salah surang korban takuruang di bawah hotel salamo 25 jam jo kaki patah sabalun relawan manariak kakinyo. Militer mangerahkan tim tanggap daruraik jo alat barek untuak mamindahan puing-puing jo mamuliahan korban nan takuruang. Pado 5 Oktober 2013, pancarian korban dihantikan. Pamarintah Indonesia mamakai helikopter untuak manyalurkan bantuan sarupo mie instan, salimuik, susu, jo makanan kariang ka daerah nan tapencil, dan mambaok korban-korban nan taluko ka rumah sakik.

World Vision, Oxfam, IFRC, Muslim Charity jo Mercy Corps alah mangkonfirmasi bahawasannyo mareka manabangkan tim tanggap darurat mareka ka daerah Padang nan hancua untuak malakukan panilaian capek tahadok bancano. Palang Merah sadang mancari sumbangan untuak mambantu manutuik biaya bantuan gampa. World Vision juo alah manabangkan 2.000 kontainer aia jo ka mndistribusikannyo langsuang ka daerah nan paliang tapangaruh dek gampo. Salain itu World Vision alah maluncuakan US$ 1 juta untuak upayo bantuan.



                                     

3.2. Pasca gampo Nagara nan mangirim bantuan

Di bawah iko adolah daftar nagara nan alah mangirim bantuan ka Indonesia.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →