Back

ⓘ Kalompok etnik di Indonesia




Kalompok etnik di Indonesia
                                     

ⓘ Kalompok etnik di Indonesia

Ado labiah dari 300 kalompok etnik atau suku banso di Indonesia. atau labiah tapeknyo ado 1.340 suku banso manuruik sensus BPS taun 2010.

Suku Jawa adolah kalompok etnik tabanyak di Indonesia jo jumlah mancapai 41% dari total populasi. Urang Jawa banyak nan tingga di pulau Jawa, akan tetapi jutaan urang alah batransmigrasi dan tasebar ka babagai pulau di Nusantara bahkan bamigrasi ka lua nagari umpamonyo ka Malaysia jo Suriname. Suku Sunda, suku Melayu, jo suku Madura adolah kalompok tabanyak barikuiknyo di nagara iko. Banyak etnik-etnik tarasiang, utamonyo di Kalimantan jo Papua, populasinyo amaik saketek nan hanyo baanggotakan ratusan urang. Sabagian gadang bahaso daerah masuak dalam golongan rumpun bahaso Austronesia, walaupun baitu sajumlah gadang etnik di Papua tagolong dalam rumpun bahaso Papua atau Melanesia.

Pambagian kalompok suku di Indonesia indak mutlak jo indak jaleh akibaik papindahan panduduak, pacampuran budayo, jo saliang mampangaruahi; sabagai contoh sabagian pihak bapandapek urang Cirebon adolah etnik nan tapisah surang jo dialek nan khusus pulo, sadangkan pihak lainnyo bapandapek baso mareka hanyolah subetnik dari suku Jawa sacaro manyaluruah. Baitu pulo suku Baduy jo suku Banten nan sabagian pihak manganggap mareka sabagai bagian dari suku Sunda. Contoh lain pacampuran suku banso adolah Suku Betawi nan marupokan suku banso hasia pacampuran babagai suku banso pandatang baiak dari Nusantara maupun Cino jo Arab nan datang jo tingga di Batavia pado era kolonial.

Proporsi populasi jumlah suku banso di Indonesia manuruik sensus 2000 sabagai barikuik:

                                     

1. Etnik pribumi

Kawasan Indonesia punyo banyak etnik pribumi. Dek karano adonyo migrasi di Indonesia sabagai bagian dari program transmigrasi pamarintah atau alasan lain, ado jumlah populasi etnik nan cukuik signifikan di lua daerah asalinyo.

  • Maluku: Suku Ambon, Suku Nuaulu, Suku Manusela, Suku Wemale
  • Kapulauan Sunda Kaciak: Suku Bali, Suku Sasak,
  • Papua - Suku Papua tadiri 466 suku banso di antaronyo: Suku Dani, Suku Bauzi, Suku Asmat
  • Sumatera: Malayu, Batak, Minangkabau, Aceh, Lampung, Kubu
  • Madura: Madura
  • Sulawesi: Makassar, Bugih, Mandar, Minahasa, Toraja, Bajau
  • Jawa: Jawa, Sunda Banten, Badui, Betawi
  • Kalimatan: Dayak, Banjar
                                     

2. Etnik pandatang

Manuruik sajarah Indonesia, galombang migrasi etnik pandatang manyebar ka saluruah Indonesia, biasonyo mareka mauni pusek karamian co kota gadang dan jarang tingga di daerah kampuang.

  • Arab: Manuruik sajarah padagang Arab batugas untuak manyebarluaskan ajaran Islam di Musantara. Banyak di antaronyo nan alah baassimilasi jo etnik lokal misalnyo Betawi, Malayu, Jawa, jo Sunda; namun, sabagian kota di Indonesia punyo jumlah populasi urang Arab nan signifikan nan ditandoi jo budayonyo, identitasnyo, jo hubuangannyo jo nagara-nagara Arab. Kota jo populasi nan signifikan di antaronyo Surabaya, Gresik, Jakarta, Medan, dan kota-kota pasisia lain di Indonesia.
  • Indo: Indo atau Paranakan, adolah campuran antaro etnik pribumi Indonesia jo urang Eropa utamonyo nan dari Balando samaso periode Hindia Balando. Sakitar satu juta urang Indonesia jo babagai status sosialnyo tamasuak golongan iko. Salamo maso kolonialiasi, jumlah mareka labiah gadang, namun sajak Indonesia mardeka mareka labiah mamiliah pulang ka Balando. Eurasia Indonesia samakin saketek jumlahnyo sajak emigrasi gadang dari Indonesia salapeh Parang Dunia II.
  • Cino: Etnik minoritas tabanyak di Indonesia. Urang Cino mulai tingga di Indonesia sajak abaik ka-15 jo galombang gadang migrasi di abaik ka-18 jo 19. Umumnyo tingga di kawasan pecinan kampuang cino di daerah urban Jawa, Sumatera, jo Kalimantan, jo jumlah nan signifikan di Jakarta, Medan, Semarang, Surabaya, Cirebon, Pekanbaru, Batam, Bangka island, Padang, jo Pontianak di Kalimantan Barat.
  • Japang: Urang Japang bamigrasi ka Indonesia sajak zaman kolonial Hindia Balandi; namun, salapeh Japang kalah pado parang dunia ka duo, populasinyo manurun dan hanyo manyisokan saketek poplasi nan marupokan mantan tentara Japang nan masih tatok tingga di Indonesia jo manjadi WNI. Pakambangan takini populasi urang Japang di Indonesia mulai maningkek sajak 1970-an, dan banyak expatriat nan tatok jo kawarganagaraannyo. Jumlah signifikan urang Japang nan tingga di Indonesia utamonyo di Jakarta jo Bali.
  • Korea: Mareka adolah etnik pandatang nan paliang baru di Indonesia, dimulai sajak babarapo dekade nan lalu. Jumlah mareka samakin maningkek sairiang jo maningkeknyo bisnis jo investasi Korea di Indonesia, dan banyak di antaronyo tatok jo kawarganaraannyo.
  • India: Urang India alah tinggal pulo sajak lamo di Indonesia, namun jumlahnyo indak sabanyak urang Cino Indonesia. Umumnyo tingga di pusat-pusat kota gadang misalnyo di Pasar Baru di Jakarta jo Kampuang Kaliang di Medan.
Urang Banggalo
                                               

Urang Banggalo

Urang Banggalo, acok disabuik pulo Urang Bangla, adolah kalompok etnik Indo-Arya nan marupokan panduduak asali dari wilayah Banggalo di Asia Salatan. Pasiaan Urang Banggalo tapacah ka Bangladesh jo nagaro-nagaro bagian India, Banggalo Barat, Tripura, jo Assam. Bahaso nan acok dipakai jo Urang Banggalo adolah Bahaso Banggalo nan marupokan bahaso dari Rumpun bahaso Indo-Arya. Namo "Bangalee" acok dipakai juo untuak manyabuik Urang Bangladesh sabagai banso.