Back

ⓘ Kambiang utan sumatera




Kambiang utan sumatera
                                     

ⓘ Kambiang utan sumatera

Kambiang utan sumatera, disabuik juo dalam bahaso Gayo Noang, atau bahaso Malayu kambing gurun, adolah ciek spesies anggota upafamili kambiang-antelop ; nan marupoan hewan asli paunyi utan-utan pagunuangan pulau Sumatera jo samananjuang Thai-Malaya.

Daulu spesies iko dipandang sabagai subspesies sajo dari "kambiang utan daratan", sabagaimano spesies kambiang utan daratan Asia lainnyo. Kambiang utan sumatera tarancam dek karusakan habitat jo paburuan, inggo dimasuakan dek IUCN ka dalam daftar spesies rentan.

Kambiang utan sumatera tamasuak jinih hewan nan dilinduangi di Indonesia, badasar kapado Lampiran Peraturan Pemerintah RI No. 7 Tahun 1999, nan ditabikan tanggal 27 Januari 1999.

Kini ko populasi nan masih tasisa di Indonesia dapek ditamui di Taman Nasional Kerinci Seblat, Taman Nasional Batang Gadis, jo Taman Nasional Gunung Leuser.