Back

ⓘ Batu basurek




                                               

Dara Jingga

Dara Jingga adolah salah surang puti Malayu Dharmasraya, nan dibao ka Jawa basamo rombongan Ekspedisi Pamalayu, nan diutuih ka Sumatera pado 1275 dek Rajo Kertanagara dari Singhasari. Serat Pararaton jo Kidung Panji Wijayakrama manyabuik baso Dara Jingga jo adiaknyo Dara Petak turuik sato basamo rombongan Singhasari nan tibo di Jawa pado 1293, iyolah sapuluah ari satalah pasukan Mojopaik barasia mausia pasukan Mongol. Dijalehan pulo baso Dara Jingga kudian manjadi bini surang bangsawan sira alaki Dewa, sarato punyo anak nan satalah gadang jadi rajo di Tanah Malayu, banamo Tuhan Janaka baga ...

                                               

Kuburan Panjang Pariangan

Kuburan Panjang Tantejo Gurhano marupokan sabuah makam tuo nan panjangnyo labiah kurang 25 meter jo lebar 1.2 meter. Namun, ukuran tasabuik 25 dapek babedo-bedo apabilo diukua barulangkali sahinggo indak akan samo panjangnyo, itulah nan manjadi kaunikan dari kuburan panjang ko. Tantejo Gurhano dipicayo sabagai tokoh arsitektur partamo rumah gadang. Kasaluruhan ukuran situs cagar budayo Kuburan Panjang ko adolah 25.5 meter x 7 meter talatak di tapi jalan utamo Pariangan, sahinggo sangaik mudah untuak mancarinyo. Tadapek anam pohon kamboja nan ditanam di ateh makam sahinggo mambuek tanah di ...

Batu basurek
                                     

ⓘ Batu basurek

Batu basurek, Batu batulih, atau Prasasti adolah piagam atau dokumen nan ditulih pado bahan nan kareh jo tahan lamo. Panamuan batu basurek pado sajumlah situs arkeologi, manandokan akhia dari zaman prasejarah, yakni periode dalam sijarah kuno Indonesia nan masyarakaiknyo alun mangenal tulisan, manuju zaman sijarah, di mano masyarakaiknyo alah mangenal tulisan. Ilmu nan mampalajari tantang batu basurek disabuik Epigrafi.

                                     

1. Batu basurek kuno

Di antaro babagai sumber sijarah kuno Indonesia, sarupo naskah jo barito asiang, prasasti dianggap sabagai sumber tapantiang karano mampu mambarikan kronologis suatu paristiwa. Ado banyak hal nan mambuek suatu prasasti sangaik manguntuangkan dunia panalitian maso lampau. Salain manganduang unsua pananggalan, batu basurek pun manjalehan sajumlah namo jo alasan batu basurek tu dibuek.

Di Minangkabau, batu basurek banyak dapek diliek di daerah Batusangka tarutamo di Pagaruyuang, Saruaso, Padang Panjang, Rambatan jo Ombilin tapi danau Singkarak. Salain itu, ado juo di daerah Lubuk layang Selatan, Kecamatan Rao Mapattunggul, Kabupaten Pasaman, Sawahlunto Sijunjung Padangroco, Muara Takus jo di Mahat.

Batu basurek iko bahubuangan jo maso karajaan Adityawarman nan mamarintah sakitar abaik ka-14. Dipakiroan ado sakitar 30 buah batu basurek tapi hanyo ado babarapo sajo nan dapek dibaco, diantaronyo:

  • Batu basurek Pagaruyuang VI
  • Batu basurek Pagaruyuang VII
  • Batu basurek Pagaruyuang V
  • Batu basurek Pagaruyuang IV
  • Batu basurek Kubu Ra-jo II
  • Batu basurek Kubu Ra-jo I duo buah batu basurek
  • Batu basurek Pagaruyuang VIII

Babarapo batu basurek nan lain nan pantiang adolah:

  • Batu basurek Rambatan
  • Batu basurek Banda Bapahek
  • Batu basurek Saruaso II
  • Batu basurek Lubuk Layang
  • Batu basurek Saruaso I
                                     

2. Batu basurek modern

Dalam pangaratian modern di Indonesia, batu basurek acok dikaitkan jo tulisan di batu nisan atau di gaduang, utamonyo wakatu palatakan batu partamo atau parasmian suatu proyek pambangunan. Dalam barito-barito media massa, misalnyo, kito acok mandanga presiden, wakil presiden, mantari, atau kapalo daerah marasmikan gaduang A, gaduang B, jo sataruihnyo jo pangguntiangan pita jo panandotanganan batu basurek. Dengan demikian istilah batu basurek tatok lestari hinggo kini.