Back

ⓘ Museum Kereta Api Sawahlunto




                                               

Musajik Aguang Nurul Islam

Musajik Aguang Nurul Islam atau juo dikenal jo sabagai Musajik Aguang Sawahlunto adolah salah satu musajik tatuo di Indonesia nan talatak di Kelurahan Kubang Sirakuak Utara, Kecamatan Lembah Segar, Kota Sawahlunto, Sumatra Barat. Lataknyo bajarak kiro-kiro 150 meter dari Museum Kereta Api Sawahlunto. Musajik nan dibangun pado maso penjajahan Balando ko pado awalnyo marupoan bangunan pusek pambangkik listrik tanago uap. Bangunan iko dibangun pado taun 1894 jo barubah fungsi manjadi musajik sajak taun 1952, samantaro cerobong asapnyo kamudian dijadian sabagai menara jo tambahan kubah satingg ...

Museum Kereta Api Sawahlunto
                                     

ⓘ Museum Kereta Api Sawahlunto

Museum Kareta Api Sawahlunto barado di dalam stasiun kareta api nan di bangun pado 1912 dan baoperasi sampai 2003. Museum Kareta Api Sawah Lunto dirasmian pado 17 Desember 2005 nan marupokan museum kareta api kaduo sasudah Museum Kereta Api Ambarawa. Ruangan museum nan baitu elegan nan mamapakan benda- benda dan foto- foto basejarah tantang dunia kareta api di Sawah Lunto sakaligus manjadi bukti sajarah nan haruih dijago dan dilestarikan.

Koleksi meseum iko kasadonyo bajumlah 106 buah nan barupo paralatan semboyan dan palengkapan dalam dunia kareta api. Bagian nan mamikek di museum iko adolah Loko Uap wisata Mak Itam seri E 1060 nan loko asli barado di bengkel stasiun dan manariknyo loko iko baoperasi kumbali pado 21 fembruari 2009 jo sewa 3.5 juta Rupiah untuak umum dan 1.5 juta Rupiah untuak palajar. Loko Mak Itam dibuek di Jerman taun 1965 baoperasi sajak 1966 nan pado taun 1996 sempat dibawo ka Museum Kereta Api Ambarawa dan dikumbaliakan pado 2008 untuak Museum Kareta Api Sawah Lunto.

                                     

1. Sijarah

Kareta api di Minangkabau atau di Sumatra barat barawa pado maso panjajahan Bulando Belanda. Pambangunan kareta api iko batujuan untuak mampamudah transportasi dan untuak mangangkuik barang atau bahan-bahan salah satunyo iyolah bahan-bahan rempah biji kopi. Paresmian jalur kareta api partamo pado 6 Juli 1887 iyolah jalur pulau aia ka padang panjang salanjutnyo ditaruihkan ka Bukit Tinggi nan sadonyo mamiliki panjang 90 km dan mulai di operasikan pado November 1891.

Di Sawah Lunto pambangunan rel kareta api barawa dari saurang geolog bulando nan manamukan batu baro di Sawah Lunto nan kamudian dibangunlah patambangan batu baro. Patambangan batu baro itu surang nan maagiah paluang untuak dibangunnyo rel kareta api di Sawah Lunto. Puncak kajayaan pakeretaan api Sumatera Barat tamasuak Sawah Luto dimulai pado abaik ka-19 hinggo patangahan abaik ka- 20. Maso kajayaan dunia pakareta apian di Sumatera Barat khususnyo di Sawah Lunto indak balangsung lamo. Pado 2003 penoperasian kareta api di Sawah Lunto dibahantikan dikarenokan produksi batu bara PT Bukit Asam Ombilin nan bakurang dan alaik transportasi kareta api kalah saiang jo transportasi lain.

Dengan dihantikannyo operasi kareta api di Sawah Lunto marupokan awa dari rancana dan diadokannyo museum kareta api Sawah Lunto. Museum nan dulunyo marupokan sabuah stasiun kareta api nan tamasuak ka dalam Devisi Regional II Sumatera Barat. Museum iko dikalola dek Unit Pusek Pelestarian dan Disain Arsitekstur PT Kereta Api Indonesia. Secaro taperinci lokasi museum iko barado di Jalan Jendral Ahmad Yani, Kel. Pasar, Kec. Lembah Segar, kota Sawah Lunto, Provinsi Sumatera Barat. Museum iko di buka kambali pado taun 2005 sabagai museum.