Back

ⓘ Bustamam




                                     

ⓘ Bustamam

Bustamam adolah pangusaho asa Indonesia. Inyo marupoan pandiri sakaligus pamilik jaringan Restoran Sederhana.

                                     

1. Kahidupan

Sangkek ketek, Bustaman hiduik bangsek. Bamacam-macam karajo alah inyo jalani, dari manjua pisang goreng inggo sabagai kenek. Sasudah cukuik umua, inyo pai marantau ka Jakarta. Di sinan, inyo mangawali kariernya sabagai padagang asongan. Pado taun 1972, Bustamam mambukak Warung Makan Padang di kawasan Bendungan Hilir, Jakarta.

Dalam mangelola restoran, Bustamam manyasuaian resep masakannyo jo lidah urang kebanyakan. Dek itu, inyo mangurangan raso padeh dalam masakannyo. Inyo punyo hidangan khusus, yakni ayam pop nan alah tanamo. Pado taun 1997, Bustamam mamatenkan merek dagang "Sederhana" ka Direktorat Jenderal Hak ateh Kekayaan Intelektual, jo mewaralabakan merek nan tun. Sajak itu, usahonya taruih bakambang.

Bustamam pernah basangketo jo Djamilus Djamil, salah saurang dunsanaknyo nan manggunoan merek dagang "Sederhana" pulo pado restoran nan dikelolanyo. Namun, akhianya mareka berdamai. Djamilus diwajibkan untuak manambahan merek dagangnyo manjadi "Sederhana Bintaro". Untauk malindungi merek Sederhana, Bustamam mambuek perusahaan babadan hukum pado taun 2009 nan diagiah namo PT Sederhana Citra Mandiri. Kiki iko, ado labiah dari 100 restoran miliknyo tasebar di babagai kota di Indonesia jo Malaysia. Di dalam negeri, Restoran Sederhana alah mambuko outletnya di setiok provinsi, kacuali Provinsi Papua.