Back

★ Karajaan Campo



Karajaan Campo
                                     

★ Karajaan Campo

Karajaan Campo or Tsiompa Cham: Campa, Vietnam: Chăm Pa adolah karajaan nan parnah menguasai wilayah nan kini tamasuak Vietnam Tangah jo Salatan dari sajak kiro-kiro abaik kaduo Sabalun Masehi, sabalun dikuasai jo Kaisar Mihn Mang di taun 1832. Dulunyo karajaan iko namonyo nagara Campa Sansekerta: नगरः चम्पः, Khmer dalam prasasti Champa jo Kamboja, Chăm Pa di bahaso Vietnam Chiêm Thành jo 占城 Zhànchéng dalam bahaso Cino.

Urang Campo Vietnam jo Kamboja adolah nan tasiso dari karajaan tu. Inyo mangecek pakai bahaso Campo, subfamili dari bahaso Malayu-Polinesia nan takaik arek jo bahaso Malayu jo Bali-Sasak.

Karajaan Campo didahului di wilayah tu dek karajaan Lâm Ấp Vietnam, atau Linyi 林邑, Lim Ip dalam bahaso Cino Tangah, nan ado sajak taun 192 Masehi, walau hubuangan sijarah antaro Linyi jo Campo indak jaleh. Campo mancapai puncak kajayaannyo pado abaik ka-9 jo ka-10. Sudah tu, mulai turun dek didasak Đại Việt, pamarintahan Vietnam nan bapusek di wilayah Hanoi moderen. Pado tahun 1832, kaisar Vietnam Minh Mạng menggabuangan wilayah Campo nan tarsiso.

Agamo Hindu, nan dilakuan malalui pataruangan jo penjajahan wilayah dari nagari tatangga Funan wakatu abaik ka-4 M, mambantuak seni jo budaya karajaan Campo salamo barabaik-abaik, sarupo nan bisa diliek banyak patuang Hindu Campo jo kuil-kuil bata sirah nan mahiasi pamandangan di tanah Campo. Mỹ Sơn, bakeh pusat agamo, jo Hội An, satu kota palabuahan utamo Campo, kini manjadi Situs Warisan Dunia. Kini ko, banyak urang Campo baragamo Islam, patobatan nan dimulai pado abaik ka-10, jo kaum Royals alah sapanuahnyo mamaluak agamo pado abaik ka-17, inyo disabuik jo Bani Cham dari bahasa Arab: Bani. Namun, ado juo Balamon Cham dari bahaso Sanskerta: Brahman nan masih mempatahankan jo malestarikan iman, ritual, dan festival Hindu-nyo. Balamon Cham adolah satu dari hanya duo urang Hindu asli non-India nan masih iduik di dunia, jo budayo nan alah ado sajak ribuan tahun lalu. Nan lainnyo adolah Hindu Bali dari Bali, Indonesia.

                                     

1. Etimologi

Namo Campo barasal dari kato Sansekerta campaka disabuik: tʃaɱpaka, nan bararti marujuak ka Magnolia champaca, spesies batang kayu nan bungonyo tanamo harumnyo.

                                     

2.1. Historiografi Sumber

Historiografi Campo ado tigo sumber:

  • Siso-siso fisik, tamasuak struktur jo runtuahan bata, sarato pakekan batu.
  • Prasasti dalam bahaso Campo jo Sanskerta pado parmukoan batu lainnyo.
  • Sijarah Cino jo Vietnam, laporan diplomatik, jo teks-teks lain sarupo nan disadioan dek Jia Dan.
                                     

2.2. Historiografi Teori Manyaluruah

Pangatahuan moderen mamuncuan duo teori nan basaiang dalam historiografi Campo. Ahli sapakaik bahasonyo sacaro sijarah, Campo dibagi manjadi babarapo wilayah atau karajaan nan taseba dari selatan ka utara di sapanjang pantai Vietnam moderen dah tu disatuan dek bahaso, budayo, jo warisan nan samo. Diakui bahasonyo catatan sijarah indak samo-samo kayo untuak masiang-masiang daerah dalam satiok pariode sijarah. Misalnyo, pado abaik ka-10 M, manuruik catatannyo Indrapura adolah nan paliang kayo, pado abaik ka-12 Masehi, nan takayo adolah Vijaya, sasudah abaik ka-15 Masehi, nan takayo adolah Panduranga. Babarapo ahli alah maliek parubahan catatan sijarah iko untuak menampakan pagarakan ibu kota Campo dari satu tampek ka tampek lain. Menuruiknyo jikok abaik ke-10 Indrapura nan paliang kayo, itu dek Indrapura adolah ibu kota Campo. Ahli nan lain mambantahnyo, bapandapek bahasonyo Campo indaklah nagari kasatuan, jo bapandapek bahasonyo adonyo catatan sijarah nan sangaik kayo untuak satu daerah dalam pariode tatantu indak dapek manjadi dasar untuak manjadian wilayah tu sabagai ibu kota Campo dalam nagara kasatuan di maso tu.



                                     

3.1. Sijarah Sumber Pangaruah Budayo Asiang

Salamo baabaik-abaik, budayo jo masyarakaik Cham dipangaruahi dek kakuatan nan datang dari Kamboja, Cino, Jawa, jo India. Lâm Ấp, nagara pandahulu di wilayah tu, mamulai kabaradaannyo pado taun 192 M sabagai koloni Cino nan mamisahan diri. Surang pajabaik mambarontak malawan pamarintahan Cino di Vietnam tangah, sudah tu, Lâm Ấp didirian pado taun 192. Pado abaik ka-4 M, parang jo Karajaan Funan nan batatangga di Kamboja mamparabuikan wilayah Fiji mambuek masuaknyo budayo India ka masyarakaik Cham. Bahaso Sanskerta dijadian sabagai bahaso ilmiah, jo agamo Hindu, tarutamo Shaivisme, manjadi agamo nagara. Sajak abaik ka-10 sataruihnyo, padagangan maritim Arab di wilayah tu mambaok pangaruah budayo jo agamo Islam nan maningkek. Campo manjadi pangubuang pantiang dalam padagangan rampah-rampah, mulai dari Taluak Persia ka Cino Selatan, jo di jalua maritim Arab di Asia Tenggara sabagai pamasuak lidah buayo. Walau acok tajadi parang antaro Campo jo Kamboja, keduo nagara saliang badagang jo pangaruah budayo muncua duo arah. Kaluarga karajaan dari keduo nagara acok manikah. Campo punyo hubuangan dagang jo budayo nan arek juo ko karajaan maritim Sriwijaya nan kuek jo kudian samo Majapahit dari Kapulauan Malayu.

Bukti nan dikumpuaan dari kajian bahaso di sakitaran daerah Aceh manunjuakan bahasonyo pangaruah budayo Champ nan sangaik kuek ado di Indonesia, iko ditunjuakan dek panggunoan bahaso Cham sabagai bahaso utamo di wilayah pasisia Aceh. Ahli bahaso picayo bahasonyo bahaso Aceh, marupokan turunan dari bahaso Proto-Cham, tapisah dari bahaso Cham sakitar milenium partamo. Tapi, pandangan ilmiah tantang sipaik nan pasti dari hubungan Aceh-Cham ko masih babeda-beda.

                                     

3.2. Sijarah Bantuak jo Parkambangan

Urang Campo adolah katurunan dari masyarakaik palauik nan mancapai darek Asia Tenggara dari Kalimantan pado maso kabudayaan Sa Huỳnh, pandahulu kerajaan Campo. Bahaso Cham adolah bagian dari kaluarga Austronesia. Manuruik sabuah panalitian, Campo takaik dakek jo Urang Aceh moderen di bagian utara Sumatra.

Manuruik Urang Cino Han, nagara Campo tanamo sabagai 林邑 Linyi dalam bahaso Mandarin jo Lam Yap dalam bahaso Kanton jo untuak Urang Vietnam, Lâm Ấp nan marupoan panyabuikan Sino-Vietnam dari 林邑. Campo iko didirian pado taun 192 M.

Sakitar abaik ka-4 M, pamarintahan Campo mulai banyak maambiak pangaruah India, mungkin dek karano tatangganyo, Funan. Agamo Hindu muncua katiko Campo mulai membuek prasasti batu Sanskerta jo mandirian kuil-kuil Hindu bata merah. Rajo partamo nan diakui dalam prasasti tu adolah Bhadravarman, nan mamarintah dari taun 380 M sampai 413 M. Pado Mỹ Sơn, Rajo Bhadravarman mambangun sabuah lingga banamo Bhadresvara,: 324 nan namanyo adolah gabuangan dari namo rajo surang jo namo dewa Hindu -dewa Siwa. Panyambahan rajo dewa asli banamo Bhadresvara jo namo-namo lainnyo masih balanjuik barabaik-abaik lamonyo.

Rudravarman dari Campo mandirian dinasti baru pado tahun 529 M dan digantian dek anak laki-lakinyo Shambuvarman. Shambhuvarman mambangun baliak candi Bhadravarman dan manamoinyo manjadi Shambhu-bhadreshvara. Inyo maningga dunia pado taun 629 dan digantian samo anak laki-lakinyo Kandarpadharma nan maningga dunia pado tahun 630-31. Kandarpadharma digantian samo anak laki-lakinyo Prabhasadharma nan maningga pado taun 645.

Antaro abaik ka 7 sampai 10 M, pamarintah Cham bangkik manjadi kakuatan angkatan lauik, karano palabuahan Campo pantiang untuak padagang satampek jo asiang, tantara Campo ikuik mangandalian pardagangan rampah-rampah jo sutra di Lauik Cino Salatan, antaro Cino, kapulauan Indonesia, jo India. Inyo manambah kayonyo dari rute pardagangan indak hanyo dari ekspor gadiang jo lidah buayo, tapi dek pambajakan jo panyarangan bagai. Tapi, maningkeknyo pangaruah Campo jadi parhatian surang thalassocracy tatangga nan maliek Campo sabagai lawan, Urang Jawa. Pado 767 Masehi, pantai Tonkin dijajah dek tantara Jawa Daba jo parompak Kunlun, Campo sudah tu diserbu dek kapa Jawa atau Kunlun pado 774 M jo 787 M. Pado 774 M Po-Nagar di Nha- trang diserbu parompak maancuaan kuil-kuil, samantaro pado taun 787 M sarangan ditujukan ka Phang-rang.

                                     

3.3. Sijarah Kamunduran

Wakatu Parang Cham-Vietnam 1471 M, Campo kalah samo Vietnam, ado 120.000 orang ditangkok atau dibunuah, dan karajaan itu dturunkan manjadi bagian ketek dakek Nha Trang jo banyak Urang Campo lari ka Kamboja.

                                     

4. Geografi Sijarah Campo

Antaro abaik ka-2 jo ka-15 M, Campo kadang tamasuak provinsi moderen Quang Nam, Quang Ngãi, Bình Định, Phu Yên, Khánh Hòa Ninh Thuận, dan Bình Thuận. Walaupun wilayah Campo tamasuak daerah pagunuangan di sabalah Barat dataran pantai sampai ka Laos kini, kabanyakan, Urang Campo tatap manjadi palauik nan ado untuak badagang, jo mampartahankan babarapo tampek tingga jo ukuran barapo pun dari pantai.

Dalam sijarahnyo Campo tadiri dari labiah limo karajaan:

  • Indrapura "Koto Indra" adolah ibu kota Campo dari sakitar 875 M sampai sakitar 1000 M. Inyo talatak di desa moderen Đồng Dương, dakek koto moderen Da Nang. Ado juo di wilayah Da Nang koto Cham kuno Singhapura "Koto Singo", lokasi nan alah dikatahui sabagai situs arkeologi kampuang modern Trà Kiệu, jo lambah Mỹ Sơn, di mano sajumlah kuil jo manara nan ancua masih bisa diliek. Palabuahannyo ado di Hội An moderen. Wilayah nan parnah dikuasai dek karajaan iko adolah provinsi Quảng Bình maso kini, Quịng Trị, jo provinsi Thừa Thiên – Huế.
  • Amaravati barado di Provinsi Quang Nam maso kini. Panyabuikan namo Amaravati paliang partamo adolah dari prasasti taun 1160 M di Po Nagar.
  • Kauthara barado di daerah moderen di Provinsi Khánh Hòa. Pusek kaagamoan jo budayonyo adolah kuil Po Nagar, babarapo manara nan masih tagak di Nha Trang. Kauthara partamo kali disabuik dalam prasasti 784 M di Po Nagar.
  • Vijaya talatak di Provinsi Bình Định maso kini. Panyabuikannyo ado dalam prasasti 1160 Masehi di Po Nagar. Ibukotanyo dikatahui sabagai situs arkeologi di Cha Ban. Palabuahannyo maso kini adolah Qui Nhơn. Panggalian pantiang alah dikarajoan juo di dakek Thap Mắm, nan mungkin merupokan pusek kaagamoan jo budayo. Vijaya manjadi pusek politik jo budaya Campo sakitar 1000 M, katiko ibukota utara Indrapura ditinggaan dek adonyo takanan dari Viet. Namun tatap manjadi pusek Campo sampai tahun 1471 M, katiko dirabuik oleh Việt jo pusek Campo dipindahan ka salatan. Pado masonya, karajaan Vijaya mangandalian sabagian gadang Provinsi Quang-Nam, Quang-Ngai, Bình Định, jo Phú Yên.
  • Panduranga balokasi di daerah Rang Phan maso kini ko di Provinsi Ninh Thuận. Panduranga adolah nan tarakhir dari wilayah Cham nan digabuangkan dek Vietnam. Panduranga partama kali disabuikan dalam prasasti 817 M di Po Nagar.

Di ampek karajaan ado duo suku utamo: "Dừa" bararti "karambia" dalam bahaso Vietnam jo "Cau" bararti areca catechu dalam bahaso Vietnam. Dừa tingga di Amravati jo Vijaya, sadangkan Cau tingga di Kauthara jo Panduranga. Keduo suku babeda adaik jo kabiasaannyo samo kapantiangan nan batantangan sainggo banyak bacakak jo parang. Tapi inyo biasonyo dapek manyalasaian pasalisiahan malalui kawin campua.



                                     

5.1. Agamo Hindu jo Budha

Samantaro tu kini Urang Campo Balamon adolah satu-satunyo umaik Hindu nan masih hiduik di Vietnam, wilayah iko parnah manjadi tampek babarapo budayo Hindu nan paliang indah jo basumangaik di dunia. Faktanyo, saluruah wilayah Asia Tenggara adolah rumah bagi banyak karajaan Hindu nan canggih. Dari Angkor di nagara tetangga, Kamboja, ka Jawa dan Bali di Indonesia.

Sabalun Campo dikuasai dek kaisar Đại Việt - Trần Thánh Tông pado taun 1471, agamo utamo urang Campo adolah Hindu, jo kabudayaannyo sangaik dipangaruahi dek agamo India. Hindu Campo sangaik Shaiva jo sacaro bebas digabuang jo unsua-unsua agamo satampek sarupo pamujaan dewi Bumi Lady Po Nagar. Simbol utamo Shaivism Campo adolah lingam, mukhalinga, jaṭāliṅgam, liṅgam nan tasegmentasi, jo kośa.

  • Kośa adolah karanjang tabuang dari logam mulia nan digunoan untuak manutuik lingga. Sumbangan kośa untuak hiasan liṅga lah nan membedaaan Shaivism Campo. Rajo-rajo Campo maagiah namo Kośa jo caro nan samo sarupo manamoi linga-nyo surang.
  • Mukhaliṅga adolah lingga nan alah dilukis atau diukia gambar Siwa sabagai manusia atau muko manusia.
  • Liṅga atau liṅgam adolah tonggak batu hitam sabagai tando Siwa. Rajo-rajo Campo acok mambangun lingga batu sabagai gambar agamo nan utamo di kuil-kuil karajaan. Namo nan akan diagiah rajo Cham untuak lingga biasonyo adolah gabuangan namo raja surang ditambah buntuik "-iśvara", nan adolah singkekan dari Shiva.
  • Liṅga nan tasegmentasi adolah pos lingga nan dibagi manjadi tigo bagian untuak mawakili tigo jinih Katuhanan atau Trimurti Hindu: bagian nan bawah, babantuak kotak, mawakili Brahma, bagian tangah, babantuak sagi lapan, mawakili Wisnu, jo bagian ateh, babantuak bulek, mawakili Siwa.
  • Jaṭāliṅga adolah lingga nan di atehnyo taukia bantuak abuak chignon Siwa.

Janyonyo Hindu dalam agamo karajaan Cham taputuih pado abaik ka-9 jo ka-10, katiko dinasti di Indrapura mamaluak agama Budha Mahayana sabagai imannyo. Seni Budha Đồng Dương mandapek pujian dek kaasliannyo.

Mulai abaik ka 10 M, Hindu baliak manjadi agamo utamo urang Campo. Babarapo situs nan alah mambuek karya pantiang seni reliji jo arsitektur dari pariode iko adolah, Mỹ Sơn, Khương Mỹ, Trà Kiệu, Chanh Lo, jo Tháp Mắm.

                                     

5.2. Agamo Islam

Islam mulai maju di Campo sasudah abaik ka-10. Pado abaik ka-17, kaluarga karajaan Cham alah mamaluak Islam. Kabanyakan Urang Campo kini tabagi rato antaro pangikuik Islam jo Hindu, dimano kabanyakan Urang Campo Vietnam adolah Urang Hindu sadangkan kabanyakan Urang Campo Kamboja adolah Muslim, walaupun ado diantaronyo umaik Buddha Mahayana nan taruih ado.

Catatan Indonesia pado abaik ke-15 manunjuakan pangaruah Putri Daravati, surang Campo, masuak Islam, dan mampangaruahi suaminyo, Kertawijaya, panguaso katujuah Majapahit untuak maubah kaluarga karajaan Majapahit ka Islam. Makam Islami Putri Campo Putri Campo dapek ditamui di Trowulan, Jawa Timur, situs ibukota kekaisaran Majapahit. Pado abaik ka 15 sampai 17, Muslim Campo mampartahankan hubuangan baiak jo Kasultanan Aceh malalui parnikahan dinasti. Kasultanan iko talatak di ujuang utaro Sumatra dan marupokan pandukuang aktif agamo Islam di kapulauan Indonesia.

                                     

6. Ekonomi

Beda jo Đại Việt, ekonomi Campo indak dari batani. Sabagian adolah palauik, urang Campo sangaik suko pai jo mambangun hubuangan dagang, bukan hanyo palabuahan utamo di Hội An, Thị Nại tapi sampai ka padalaman pagunuangan. Pardagangan maritim ado dek sumua nan manyadioan aia sajuak untuak urang Campo jo kapa-kapa asiang di sapanjang pantai Campo jo pulau-pulau Cù Lao Chàm jo Lý Sơn. Samantaro Kenneth R. Hall bapandaek bahasonyo Campo indak dapat baarok ka pajak dagang untuak pamasuakan, tapi sebaliaknyo mambiayai pamarintahannyo dek manyarang nagara-nagara tatangga, Hardy bapandapek bahasonyo makmurnyo nagara tu dek karano dagang.

Banyak barang ekspor Campo barasal dari padalaman pagunuangan, dari Attapeu di Laos salatan. Barang tu tamasuak ameh jo perak, budak, binatang, kayu baharago. Sajauah ko, barang ekspor nan paliang pantiang adolah kayu gaharu. Iko adolah satu-satunyo barang nan disabuikan Marco Polo dan juo mambuek taparangah padagang Arab Sulaiman babarapo abaik sabalunnyo. Sabagian banyak mungkin diambiak dari batang kayu Aquilaria crassna, samo sarupo kayu gaharu di Vietnam maso kini ko.



                                     

7.1. Siso-siso Arkeologi Reliji

  • Po Klaung Garai di Panduranga Phan Rang.
  • Po Sah Inu di Hamu Lithit Phan Thiết.
  • Đồng Dương didirian dek Jaya Indravarman pado taun 875 Masehi. Sabagian gadang lingkuangannyo hancua salamo Parang Vietnam. Situs iko tadiri dari tigo pangadilan gadang, balai partamuan gadang, jo cagar alam candi utamo. Duo patuang parunggu, satu dari Buddha jo satu lai dari Avalokiteśvara basobok di situs.
  • Mỹ Sơn dakek kota Hội An di Sungai Thu Bồn. Didirian dek Bhadravarman I pado abaik ka-5 M, Vikrantavarman mamulai program pambangunan gadang di abaik ka-7. Pambangunan balanjuik sampai 1157 M di bawah Harivarman.
  • Po Roma.
  • Po Nagar di Kauthara, di palabuhan, tadiri dari anam kuil jo aula batonggak. Didirian sabalum abaik ka 7 Masehi, sabuah struktur kayu dibaka pado taun 774 Masehi. Satyavarman mamulai pambangunan gadang pado taun 757 Masehi. Satu manara dari tahun 813 Masehi dan pambangunan balanjuik sampai taun 1256 Masehi.
                                     

7.2. Siso-siso Arkeologi Pusek Partahanan

  • Thanh Ho talatak di tapi utaro Sungai ằà Rằng.
  • Song Luy talatak di pantai salatan Tanjuang Dinh.
  • Caban mungkin adolah ibu kota Vijaya.
  • Tra Kieu talatak di dakek Sungai Hue.
  • Canh Tien talatak di utaro Quy Nhon dan kamungkinan tampek istano karajaan.
  • Qusu, nan talatak di ateh Sungai Kiến Giang, alah pado abaik ka-4 Masehi jo tamasuak tembok samo banda nan alah dipaelokan sarupo pusek-pusek lainnyo. Qusu dibarantian dek Urang Cino pado taun 446 Masehi, "kasado panduduak nan baumua di ateh 15 taun dibunuah pakai pedang" jo sabanyak 48.000 ameh diambiak.
  • Trà Kiệu atau Simhapura, barasal dari duo sampai tigo abaik sabalun masehi sampai abaik ka-6 atau ka-7 M.
  • Chau Xa.

Babarapo sumua nan digunoan untuak sumber aia barasiah ka Cham jo kapa-kapa asiang masih ado. Sumua cham tanamo dek bantuknyo nan petak. Inyo masih digunoan dan manyadioan aia sajuak bahkan salamo musim kamarau.

                                     

7.3. Siso-siso Arkeologi Museum

Koleksi patuang Cham banyak basobok di Museum Patuang Cham Da Nang sebelunnyo tanamo sabagai "Musée Henri Parmentier" di kota pantai Da Nang. Museum iko didirian pado taun 1915 dek cendikiawan Parancih, jo dianggok sabagai satu nan paliang rancak di Asia Tenggara. Museum lainnyo punyo koleksi seni Cham adolah:

  • Museum of History, Hanoi.
  • Museum of Fine Arts, Hanoi.
  • Museum of History, Saigon.
  • Museum of Fine Arts, Saigon.
  • Musée Guimet, Paris.
                                     

8. Rujuakan

  • Hardy, Andrew David, Cucarzi, Mauro, Zolese, Patrizia 2009. Champa and the Archaeology of Mỹ Sơn Vietnam. NUS Press. ISBN 978-9971-69-451-7.
  • Hubert, Jean-François 8 May 2012. The Art of Champa. Parkstone International. ISBN 978-1-78042-964-9.
  • Maspéro, Georges 1 January 2002. The Champa Kingdom: The History of an Extinct Vietnamese Culture. White Lotus Press. ISBN 978-974-7534-99-3.
  • Ngô, Văn Doanh 2005. Mỹ Sơn Relics. Thế Giới Publishers.
                                     

9. Pranala lua

  • Foto Seni Champa dipajang di Museum Vietnam.
  • Muslim Champa: Pandangan minoritas Muslim Kamboja.
  • Hubuangan Vietnam-Champa jo Jariangan Wilayah Malayu-Islam di abaik 17-19.
  • Prosiding Seminar "Champa", "Panalitian Champa jo evolusinyo".
  • Korban Paradaban nan Hilang.
  • Foto Kuil Champa.
  • Situs Asia Research Institute, tamasuak paper "Champa Revised" by Michael Vickery, jo draf tarjamaahan "Champa in the Song hui-yao by Geoff Wade.
  • Plumeria flowers – Champa Flowers – La fleur de frangipaniers – Hoa Sứ, Hoa đại, Hoa Champa.
                                     
  • selatan. Salain mambawo permaisurinyo, Maharajo Dirajo juo mambawo Harimau Campo Kuciang Siam, Kambiang Hutan dan Anjiang Mualim. Sasudah balayar sampailah

Users also searched:

karajaan campo, karajaan di indonesia. karajaan campo,

...

Encyclopedic dictionary

Translation
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →