Back

ⓘ Martabak Manih




Martabak Manih
                                     

ⓘ Martabak Manih

Martabak manih adolah makanan nan tabuek dari adonan tapuang tarigu, talua, ragi ditambah toping wijen sangrai jo gulo. Martabak ko mulonyo banamo Hok Lo Pan dan diciptaan urang-urang keturunan Tionghoa di Bangka Belitung. Kue ko makin dikenal masyarakaik lueh sampai di lua Bangka, urang-urang dilua Bangka Belitung manyabuiknyo kue rembulan atau kue terang bulan dek bantuaknyo bulek jo bawarna kuniang. Awal diciptaan, toping martabak hanyo barupo gulo dan wijen sangrai. Tapi, sairiang bakambangnyo zaman taburan untuak martabak ko tambah bamacam-macam. Kini, adonannyo alah punyo raso kekinian bantuak raso greentea jo raso red velvet.

Martabak manih punyo banyak namo di Indonesia. Di Jakarta samo Banduang urang manyabuik makanan ko martabak manis jo asin. Samantaro, di Semarang manyabuiknyo kue Banduang. Di Medan urang-urang manyabuik kue ko, martabak Bangka. Di Pontianak urang manyabuiknyo apam pinang. Adopulo nan manyabuiknyo kue terang bulan dek bantuaknyo bulek jo bawarna kuniang.

Martabak umumnyo dijua di tampek-tampek sederhana. Ado nan manjua di ruko-ruko nan saadonyo, adopulo nan manjua bakaliliang pakai garobak. Tapi kini martabak banyak dijua di tampek-tampek kekinian.

Martabak manih pernah mawakili Indonesia di pentas kuliner tingkek dunia. Dalam Jambore Food Street Congress pado tahun 2017 lalu di Manila, Filipina. Makanan ko jadi makanan paliang diminati dan dicari samo para pamburu makanan di Manilla. Ado tigo baleh negara nan sato dalam acara tu. Diantaronyo ado Indonesia, Singapura, Thailand, Malaysia, Vietnam, Filipina, Meksiko, Amerika Serikat samo Jerman.

Hinggo hari kaduo dalam acara di Filipina, tapeknyo di kota Manila tu, martabak manih paliang banyak dicari urang. Dek saking banyaknyo dikaja urang, urang sampai rela antri sampai bajam-jam untuak mambalinyo.