Back

ⓘ Taufik Abdullah




Taufik Abdullah
                                     

ⓘ Taufik Abdullah

Prof. Dr. H. Taufik Abdullah gala Tuangku Pujangga Diraja adolah sijarawan Indonesia. Inyo parnah manjabek sabagai Katua LIPI pariode 2000-2002, jo Wakil Presiden Asosiasi Sosiologi Internasional Dewan Riset Sosiologi Agama.

                                     

1. Pandidikan

Taufik mamparoleh gala kasarjanaannyo dari Jurusan Sejarah Fakultas Sastra & Kebudayaan UGM Yogyakarta 1961. Kudian, inyo malanjuikan pandidikannyo hinggo mamperoleh gala master jo doktor di Universitas Cornell, Ithaca, Amerika Serikat 1970. Disertasinyo Scholl and Politics: The Kaum Muda Movement in West Sumatra ditabikan dek Universitas Cornell pado tahun 1971. Salain jalur formal, inyo parnah mangikuti orientasi program East-West Centre di Universitas Hawaii, Honolulu, Amerika Serikat.

                                     

2. Karier

Taufik mangawali karier sabagai panaliti di LIPI, dengan jabatan Kapalo Bagian Umum Majelis Ilmu Pengetahuan Indonesia Biro MIPI, Jakarta 1962-1963 jo Asisten Peneliti Leknas LIPI 1963-1967. Kudian, inyo manjadi Paneliti Leknas 1967-1974, Direktur Leknas LIPI 1974-1978, jo Paneliti Leknas LIPI 1978, sampai manjabek sabagai Katua LIPI 2000-2002.

Di lua nagari, Taufik aktif sabagai paneliti jo pagiat sosial. Inyo manjadi paneliti di Departemen Ilmu Politik Universitas Chicago, Universitas Wisconsin, jo Netherlands Institute for Advanced Studies in the Humanities and Social Science NIAS Wassenaar. Sudah itu, Taufik manduduki posisi pantaing di institusi lintas bangsa, takah Katua Komite Eksekutif Program Kajian Asia Tenggara ISEAS Singapura, Wakil Presiden Asosiasi Ilmu Sosial Asia Tenggara Kuala Lumpur, sarato Waki Presiden Asosiasi Sosiologi Internasional Dewan Riset Sosiologi Agama.

Salain sabagai saurang panaliti, Taufik marupoan saurang panulih nan cukup aktif. Tulisannyo tasebar di babagai media jo jurnal, baik lokal maupun luar nagari. Hinggo kini, saindaknyo sudah ado 30 buku nan barasil disalasaiannyo. Atas karya-karyanya itu, pado tahun 2009, Taufik mandapek galar Doktor Honoris Causa dari Universitas Indonesia.

                                     

3. Karya

  • Pengalaman, Kesadaran, dan Sejarah, 1995
  • Dari Peristiwa ke Imajinasi: Wajah Sastra dan Budaya Indonesia: Kumpulan Karangan, 1985
  • Aspek Reformasi Islam di Indonesia, 1976
  • Sejarah Umat Islam Indonesia, 2003
  • Ilmu Sejarah Dan Histografi, 1985
  • Islam di Indonesia: Sepintas Lalu Tentang Beberapa Segi, 1974
  • Muncul dan Berkembangnya Faham-paham Keagamaan Islam di Indonesia: Periode Reformasi Islam, 2008
  • Arah Gejala dan Perspektif Studi Sejarah Indonesia, 1980
  • Islam and Society in Southeast Asia, 1986
  • Islam di Asia Tenggara, 1976
  • Sejarah dan Masyarakat: Lintasan Historis Islam di Indonesia, 1987
  • Walk in Splendor: Ceremonial Dress and The Minangkabau, 1999
  • Sejarah ummat Islam Indonesia, 1991
  • Tentang Pemuda dan Pembangunan: Kumpulan Esei, 1972
  • Islam dan Pluralisme di Asia Tenggara, 1996
  • Sejarah Lokal di Indonesia: Kumpulan Tulisan, 1985
  • Amanat Sejarah Ummat Islam Indonesia, 1991
  • Islam dan Masyarakat: Pantulan Sejarah Indonesia, 1987
  • Schools and Politics: The Kaum Muda Movement in West Sumatra 1927-1933, 1971
  • Pemikiran dan Peradaban, 2002
  • The Heartbeat of Indonesian Revolution, 1997
  • 50 Tahun Indonesia Merdeka: 1945-1965, 1995
  • Sang Jenderal, 1991
  • Agama, Etos Kerja, dan Perkembangan Ekonomi, 1982
  • Film Indonesia: bagian I: 1900-1950, 1993
  • Pemikiran Islam di Nusantara Dalam Perspektif Sejarah: Sebuah Sketsa, 2002
  • Manusia Dalam Kemelut Sejarah, 1983
  • Konsep Fungsi Ganda Koperasi di Indonesia, 1996
  • Metodologi Penelitian Agama: Sebuah Pengantar, 1990
  • Pemuda dan Perubahan Sosial, 1991
  • Indonesia: Towards Democracy, 2009