Back

ⓘ Rumah Sakik Advent Bandar Lampung




Rumah Sakik Advent Bandar Lampung
                                     

ⓘ Rumah Sakik Advent Bandar Lampung

Rumah Sakik Advent Bandar Lampung adolah rumah sakik nan ado di Bandar Lampung, propinsi Lampung. Rumah sakik ko balokasi di Jl. Teuku Umar No.48, Kedaton, Bandar Lampung. Rumah sakik ko adolah jinih rumah sakik tipe C nan alah lulus akreditasi tingkek Paripurna dari Komisi Akreditasi Rumah Sakit. Rumah sakik iko pun bakarajo samo jo Badan Panyalanggaro Jaminan Sosial Kasihatan.

RSABL dibangun pado taun 1965, nan di resmikan pado 26 Desember 1966 jo namo "Balai Pangobatan Advent Tandjung Karang". Kamudian pado 31 Juli 1992, namo rumah sakik ko barubah manjadi Rumah Sakit Advent Bandar Lampung.

                                     

1. Rumah sakik tuli partamo

Rumah Sakik Advent Bandar Lampung adolah rumah sakik tuli partamo di Indonesia nan mamakai slogan Rumah Sakik Ramah Tuli" Partamo di Indonesia. Paresmian rumah sakik ko diadoan di Auditorium Lantai 2 Rumah Sakik Advent, pado ari akaik 7 April tahun 2019. Rumah sakik ko ka maagiah palayanan untuak masarakaik tuli jo baso isaraik Indonesia Bisindo jo Sistem Paringatan Dini Bancano Inklusif.

Paresmian rumah sakik tuli ko dihadiri dek Walikota Bandar Lampung Drs. H. Herman HN, MM, Kapalo BPBD Kota Bandar Lampung mewakili BNPB, Panguruih GERKATIN Provinsi Lampung, pimpinan LSM jo instasi takaik sarato badan panguruih jo direksi RSABL.Katua Yayasan RSABL, Elon Manawan akan pai ka Jenewa, Swiss untuak audiensi di WHO untuak mangabakan kalau Rumah Sakik Advent Bandar Lampung marupoan rumah sakik nan diparuntuakkan urang nan tuli partamo di Indonesia bahkan di Asia Pasifik.

                                     

2. Direktur

Ado babarapo urang nan parnah manjadi direktur di Rumah Sakik Advent Bandar Lampung:

Tahun 1994 - 2014: dr. Ronald I Lisal

Tahun 2014 - 2018: dr. Reuben V.T. Supit

Tahun 2018 -.: dr. Charles Z. South, MARS

                                     

3. Tanago kasihatan

  • Dotor gigi: 3 urang
  • Dotor umum: 17 urang
  • Staf kasihatan jo panunjang kasihatan: 555 urang
  • Dotor medical check-up basertifikat: 2 urang
  • Dotor spesialis: 32 urang
                                     

4. Panghargaan jo Pancapaian

Ado babarapo panghargaan jo pancapaian nan di dapek dek Rumah Sakik Advent Bandar Lampung, diantaronyo:

  • Taun 2008 madapek rekomendasi dari Dinas Kasihatan kota Bandar Lampung sabagai fasilitas kasihatan madya atau rumah sakik kelas C.
  • Taun 2010 mandapek Sertifikat Akreditasi Rumah Sakik jo status akreditasi "Penuh Tingkat Dasar" dari Kamantrian Kasihatan Indonesia.
  • Taun 2019 lulus akreditasi tingkek Paripurna dari Komisi Akreditasi Rumah Sakik KARS versi taun 2018.
  • Taun 2017 lulus akreditasi tingkek Paripurna dari Komisi Akreditasi Rumah Sakik KARS versi taun 2012.
                                     

5. Afiliasi

Rumah Sakik Advent Bandar Lampung ko marupoan lambaga punyo Yayasan Rumah Sakit Advent Bandar Lampung nan marupoan institusi kasihatan dari Gareja Masehi Advent hari Ketujuh.

                                     

6. Sijarah

Rumah Sakik Advent Bandar Lampung marupoan bagian dari jaringan palayanan kasihatan Adventist Health System Asia AHS/A nan maurus lambago kasihatan Advent di kawasan Asia Pasifik Selatan, nan punyo kantua pusat di Cavite, Filipina. Di saluruah dunia, AHS malayani ado 68 nagara jo 65.000 karyawan nan tabagi ka 165 rumah sakik jo 345 klinik kasihatan.

Di bawah pangurusan Yayasan Rumah Sakit Advent Bandar Lampung, sajak taun 1966 rumah sakik jko mulai bajalan sabagai Balai Pangubatan. Balai Pangubatan tu banamo "Balai Pengobatan Advent Tanjung Karang BPATK" nan dikapaloi dek saurang parawat nan banamo F. J. Wuysang, sarato diawasi dek dr. Ong Tjin Tek jo bandahara M. Sitompul. Kamudian taun 1994, balai pangobatan ko barubah namo manjadi Rumah Sakit Advent Bandar Lampung RSABL nan diresmikan dek Katua GMAHK Uni Indonesia Bagian Barat, Pdt. Alex Hendriks.

                                     

7. Rumah Sakik Rujuakan Covid-19

Rumah Sakik Advent Bandar Lampung marupoan ciek dari babarapo rumah sakik rujuakan untuk pananganan koronavirus 2019 di Lampung. Rumah sakik lainnyo adolah Rumah Sakik Urip Sumoharjo, Rumah Sakik Bhayangkara,jo Rumah Sakik Graha Husada.

                                     

8. Rujuakan

Daptar Pustaka

  • "Rumah Sakit Advent Bandar Lampung". RSABL dalam bahasa Inggris. Diakses tanggal 2020-12-08.
  • "KARS – Komisi Akreditasi Rumah Sakit" dalam bahasa Inggris. Diakses tanggal 2020-12-09.
  • developer, lampost co 2019-04-07. "Advent Rumah Sakit Ramah Tuli Pertama di Indonesia". lampost.co dalam bahasa Indonesia. Diakses tanggal 2020-12-08.
  • "RS Advent Luncurkan Layanan Ramah Tuli". Radarlampung.co.id dalam bahasa Indonesia. 2019-04-07. Diakses tanggal 2020-12-08.
  • "RS Advent Ramah Tuli Pertama". dalam bahasa Indonesia. 2019-04-07. Diakses tanggal 2020-12-09.
  • "Jadwal Praktik Dokter Rumah Sakit Advent Bandar Lampung, Catat Waktunya". Tribun Lampung dalam bahasa Indonesia. Diakses tanggal 2020-12-09.
  • "PORTAL Berita Resmi Pemerintahan Kota Bandar Lampung". bandarlampungkota.go.id. 2019-04-07. Diakses tanggal 2020-12-18.
  • developer, lampost co 2020-10-02. "Tiga RS Rujukan Covid-19 di Bandar Lampung Penuh". lampost.co dalam bahasa Indonesia. Diakses tanggal 2020-12-18.

Users also searched:

...