Back

ⓘ Paradilan agamo Indonesia




Paradilan agamo Indonesia
                                     

ⓘ Paradilan agamo Indonesia

Paradilan agamo di Indonesia adolah sarangkaian limbago pangadilan, kapaniteraan, jo panyalasaian sengketa untuak urang nan baragamo Islam di Indonesia. Limbago pangadilan pado paradilan agamo adolah Pengadilan Agama pado tingkek partamo dan Pengadilan Tinggi Agama pado tingkek bandiang; samantaro untuak pakaro kasasi dari PTA ditangani dek Mahkamah Agung.

                                     

1. Sumber hukum

Paradilan agamo di Indonesia diatur dek Undang-Undang Nomor 7 Tahun 1989 tentang Peradilan Agama alah diubah dek Undang-Undang Nomor 3 Tahun 2006 dan Undang-Undang Nomor 50 Tahun 2009. Duo limbago utamo nan malaksanakan kakuasaan kahakiman di lingkungan paradilan agamo adolah Pengadilan Agama jo Pengadilan Tinggi Agama, nan manaungi pulo Pengadilan Arbitrasi Syariah. Untuak Provinsi Aceh, Undang-Undang Nomor 3 Tahun 2006 mangatur limbago Peradilan Syariat Islam nan basumber pado Undang-Undang Nomor 18 Tahun 2001 tentang Otonomi Khusus bagi Propinsi Daerah Aceh sebagai Propinsi Nanggroe Aceh Darussalam, sainggo limbago Pengadilan Agama di Aceh dinamokan Mahkamah Syariyah dan Pengadilan Tinggi Agama dinamokan Mahkamah Tinggi Syariyah.

                                     

1.1. Sumber hukum Hukum materil

Kabanyakan dari pakaro nan ditangani dek paradilan agamo basumber dari katantuan-katantuan nan pado Instruksi Presiden Nomor 1 Tahun 1991 tentang Kompilasi Hukum Islam KHI sarato Peraturan Mahkamah Agung Nomor 2 tahun 2008 tentang Kompilasi Hukum Ekonomi Syariah KHES.

Di Aceh, Mahkamah Syariyah jo Mahkamah Tinggi Syariyah bapadoman pado Qanun Nomor 10 Tahun 2002, nan mammpalaweh kawenanga paradilan agamo indak sajo pado urusan-urusan perdata Islam, namun juo untuak urusan ahwal syahsiyah hukum kaluarga, muamalah hukum perdata, jo jinayah hukum pidana.

                                     

1.2. Sumber hukum Hukum acara

Hukum acara nan mangatur tata cara pasidangan di paradilan agamo diatur dek Pasal 54 UU Peradilan Agama 1989, nan babunyi:

Dek adonyo katantuan Pasal 54 ko, hukum acara nan dipakai pado sidang paradilan agamo sacaro umum adolah nan pado peradilan perdata pado umumnyo, yaitu Herziene Indonesich Reglement HIR Staatsblad No. 44 Tahun 1941 nan balaku untuak Pulau Jawa jo Madura; di lua Jawa dan Madura cando Ambon, Aceh, Minangkabau, Palembang, jo Kalimantan, balaku Reglement Voor de Buitengewesten RBg Staatsblad No. 227 Tahun 1927.

Salain itu, untuak sidang-sidang tatantu, balaku pulo undang-undang nan iko:

  • Undang-Undang Nomor 1 Tahun 1974 tentang Perkawinan sarato Peraturan Pemerintah Nomor 9 Tahun 1975 tentang Pelaksanaan Undang-Undang Nomor 1 Tahun 1974 tentang Perkawinan: untuak pakaro-pakaro nan terkait pakawinan urang Islam;
  • Undang-Undang Nomor 14 Tahun 1985 tentang Mahkamah Agung, nan taakhia diubah dek Undang-Undang Nomor 3 Tahun 2009: untuak caro maajukan kasasi dari tingkek Pengadilan Tinggi Agama/Mahkamah Tinggi Syariyah ka Mahkamah Agung.


                                     

2. Kawenangan

Sacaro umum, paradilan agamo punyo duo macam kawenangan competentie, yaitu kawenangan relatif relative competentie jo absolut absolute competentie. Kawenangan relatif pado pangadilan pado lingkungan paradilan nan samo atau wewenangnyo baubuangan pado wilayah hukum, samantaro kawenangan absolut pado jinih pakaro dan sengketa kekuasaan antaro pangadilan.

                                     

2.1. Kawenangan Kawenangan relatif

Kawenangan relatif paradilan agamo adolah tantang pakaro gugatan dan/atau pakaro pamohonan, contohnyo:

  • Pamohonan pambatalan pakawinan diajukan pado PA nan wilayah hukumnyo tampek pasangan itu kawin atau tampek tingganyo;
  • Pamohonan untuak izin poligami diajukan pado PA nan wilayah hukumnyo pado rumah kadiaman pamohon;
                                     

2.2. Kawenangan Kawenangan absolut

Pengadilan Agamo berwenang untuak mamareso, mamutuih, dan manyalasaian pakaro di tingkek partamo antaro urang-urang nan baragamo Islam di bidang:

  • Pakawinan, tamasuak
  • Pambagian harato paninggalan;
  • Panantuan ahli waris;
  • Panantuan bagian masiang-masiang ahli waris;
  • Panetapan pangadilan terkait warisan.
  • Warisan, tamasuak
  • Panantuan harato paninggalan;
  • Wakaf
  • Zakat
  • Sadakah
  • Wasiat
  • Ekonomi syariah, tamasuak pakaro-pakaro nan terkait bank syariah, limbago kauangan mikro syariah, asuransi syariah, reasuransi syariah, reksa dana syariah, obligasi syariah, Surat Berharga Berjangka Menengah Syariah, sekuritas syariah, pambiayaan syariah, pagadaian syariah, dana pensiun limbago kauangan syariah, dan bisnis syariah
  • Infak
  • Hibah
                                     

2.3. Kawenangan Kawenangan absolut di Aceh

Limbago Mahkamah Syariyah dan Mahkamah Tinggi Syariyah di Aceh mangatur kawenangannyo sacaro khusus sasuai otonomi daerah, yaitu:

  • Muamalah hukum perdata, maliputi
  • Ahwal syahsiyyah hukum kaluarga: sadoalah hal nan diatur di UU Peradilan Agama 1989 kacuali tantang wakaf, hibah, jo sadakah;
  • Hudud, nan maliputi zina, panuduahan zina qadhaf, mancilok, marampok, minum-minuman baralkohol, narkotika, murtad, jo pambarontakan bughat;
  • Qishah atau diyat, nan maliputi pambunuahan jo panganiayaan;
  • Tazir, nan maliputi judi, khalwat, jo maninggakan sumbayang fardhu sarato puaso di bulan Ramadhan.
  • Jinayah hukum pidana, nan tabagi tigo antaro
                                     

3. Rujuakan

Daftar pustaka

  • Cammack, Mark 1997. "Indonesias 1989 Religious Judicature Act: Islamization of Indonesia or Indonesianization of Islam?". Indonesia. 63.
  • Katz, June S.; Katz, Ronald S. 1975. "The New Indonesian Marriage Law: A Mirror of Indonesias Political, Cultural, and Legal Systems". The American Journal of Comparative Law. 23 4: 653–681.
  • Warman, Kurnia; Isra, Saldi; Tegnan, Hilaire 2018. "Enhancing Legal Pluralism: the Role of Adat and Islamic Laws Within the Indonesian Legal System" PDF. Journal of Legal, Ethical, and Regulatory Issues. 21 3.
  • Tri Wahyudi, Abdullah 2018. Hukum Acara Peradilan Agama: Dilengkapi Contoh Surat-surat Dalam Praktik Hukum Acara di Peradilan Agama. Surakarta: CV. Mandar Maju. ISBN 978-979-538-473-1.
  • Cammack, Mark 1989. "Islamic Law in Indonesias New Order". International and Comparative Law Quarterly. 53 38.
  • Cammack, Mark; Feener, R. Michael 2012. "The Islamic Legal System of Indonesia". Pac. Rim L & Poly. 21 1.