Back

ⓘ Lyodra Ginting



Lyodra Ginting
                                     

ⓘ Lyodra Ginting

Lyodra Margareta Ginting nan dikenal sabagai Lyodra Ginting atau Lyodra adolah saurang panyanyi jo aktris bakabangsoan Indonesia. Namonyo mulai banyak dikenal dek masyarakaik rami, sasudah inyo manjadi pamanang dalam lomba manyanyi tingkek internasional batajuak Sanremo Junior Festival 2017, di Sanremo, Italia. Inyo pun samakin dikenal dek masyarakaik dek ikuik sarato dalam lomba pancarian bakat manyanyi Indonesian Idol Musim Kasapuluah dan berhasil mandapek perhatian juri dek karano teknik whistle register punyonyo, yang pado akhirnyo dijadian sabagai pamanang pado tangga 2 Maret 2020, manjadiannyo pamanang tamudo mangalahan Tiara Andini yang barasa dari Jember.

                                     

1. Kahidupan pribadi

Inyo lahia banamo Lyodra Margaretha Ginting pado tangga 21 Juni 2003 di Medan. Lyodra marupoan anak partamo dari duo bersaudara, dari pasangan Simar Ginting dan Natalia Johana Beru Tarigan. Inyo punyo adiak banamo Igyralo Ginting. Inyo tamaik dari maso SMP–nyo di Santo Ignasius, Medan dan malanjuikannyo di SMA Santo Thomas 2, Medan.

                                     

2. Karier banyanyi

Inyo mulai ikuik kompetisi manyanyi tingkek nasional malalui lomba Kirana Semen pado tahun 2014. Masih pado tahun nan samo, inyo ikuik lomba pancarian bakat Indonesia Mencari Bakat 4 dan manjadi finalis sarato dapek posisi kaanam. Pado tahun 2015, inyo resmi manjadi anggota generasi kaduo sebuah proyek nan diadoan dek komposer Erwin Gutawa, jo namo Di Atas Rata-Rata.

Sasudah tu, inyo mulai tampil di babagai acara nasional, takah Java Jazz Festival di tahun 2016. Dalam paringatan Hari Kamerdekaan Republik Indonesia di tahun yang samo, inyo jo anggota tim Di Atas Rata-rata 2 lainnyo tampil manjadi pangisi acara di Istana Merdeka, Jakarta.

Manapaki jajak di dunia internasional, inyo mamutuihan untuak ikuik lomba banyanyi tingkek internasional yang dikhususkan untuak panyanyi solo baumua 6-15 tahun dalam Sanremo Junior Festival 2017 di Sanremo, Italia. Inyo pai dikawanan dek Gita Gutawa, dan inyo pun lolos sabagai finalis sasudah malalui proses seleksi nan sabana ketat.

Dalam malam final acara nan diadoan pado tangga 3 Mei 2017 tu, inyo mambaok lagu Dear Dream nan dibuek dek Gita Gutawa jo Erwin Gutawa, nan ditarjamahan dari lagu babahaso Indonesia jo judul Janji untuk Mimpi. Lirik lagunyo diubah manjadi Bahasa Inggris dek Ria Leimena. Inyo pun berhasil manjadi juara satu sasudah mangalahan duo puluah duo urang peserta dari lapan baleh negara.

Pado tahun 2019, inyo baliak ikuik lomba pancarian bakat nan banamo Indonesian Idol Musim Kasapuluah, dan pado tangga 2 Maret 2020, inyo dijadian sabagai pamanang nan paliang mudo, karano mangalahan Tiara Anugrah.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →