Back

ⓘ Urang Batak




                                               

Danau Toba

Danau Toba adolah sabuah danau nan maisi kaldera gunuang barapi super, nan talatak di tangah-tangah bagian utara pulau Sumatra, Indonesia. Danau ko baukuran panjang labiah kurang 100 kilometer, lebanyo 30 kilometer, jo kadalamannyo inggo 505 meter. Danau ko mampunyoi elevasi muko labiah kurang 900 meter, jo tabantang dari 2.88°N 98.52°E  / 2.88; 98.52 inggo 2.35°N 99.1°E  / 2.35; 99.1. Iko adolah danau tagadang di Indonesia, juo danau vulkanik tagadang di dunia. Danau Toba iolah tampek tajadinyo erupsi gadang gunuang barapi super nan kiro-kiro sagadang VEI 8 nan balaku labiah kurang 69.0 ...

                                               

Sako

Sako adalah sabuah desa nan ado di Kecamatan Pangean, Kabupaten Kuantan Singingi, Provinsi Riau, Indonesia. Namo sako diambiak dari namo sungai sako nan ado di barat desa ko, namo sungai tu surang diambiak dari kato "Soko". Dulu nyo sako marupokan bagian salah satu dusun dari desa Pasar baru pangean, sako akhirnyo di mokarkan manjadi sabuah desa nan dapek manjalankan pamarintahan nyo surang. LOKASI DESA SAKO Desa Sako talatak di Kecamatan pangean Kabupaten Kuantan Singingi. Dengan Bateh wilayah: Sabolah Utara babateh dengan Desa Sungai Lansek. Sabolah Selatan babateh dengan Desa Pasarbaru. ...

Urang Batak
                                     

ⓘ Urang Batak

Batak marupoan suku bangso di Indonesia. Namo iko marupoan sabuah tema kolektif untuak maidentifikasikan babarapo suku bangsa nan bamukim sarato barasa dari Tapanuli jo Sumatera Timur, di Sumatera Utaro. Suku bangso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, dan Batak Mandailing.

Kini ko pado umumnyo urang Batak manganuik agamo Kristen Protestan, Kristen Katolik, jo Islam. Tatapi ado pulo nan manganuik kapicayoan tadisional yakni: tradisi Malim sarato juo manganuik kapicayoan animisme disabuik Sipelebegu atau Parbegu, walaupun kini jumlah panganuik kaduo ajaran iko alah samakin bakurang.

                                     

1. Sijarah

Urang Batak adolah pamakai bahaso Austronesia namun alun dikatahui bilo niniak muyang urang Batak patamo kali bamukim di Tapanuli jo Sumatera Timur. Bahaso jo bukti-bukti arkeologi manunjuakan baso urang nan babahaso Austronesia dari Taiwan alah bapindah ka wilayah Filipina jo Indonesia sakita 2.500 taun nan lalu, iyolah di zaman batu mudo Neolitikum. Karano hinggo kini alun ado artefak Neolitikum Zaman Batu Mudo nan ditamui di wilayah Batak mangko dapaik dikatokan baso niniak muyang urang Batak baru bamigrasi ka Sumatera Utara di zaman logam.

Pado abaik ka-6, padagang-padagang Tamil asa India manaruko kota dagang Barus, di pasisia barat Sumatera Utara. Mareka badagang kapua Barus nan diusahokan dek patani-patani di padalaman. Kapua Barus dari tanah Batak bamutu tinggi sahinggo manjadi salah satu komoditas ekspor di samping kemenyan. Pado abaik ka-10, Barus disarang dek Sriwijaya. Hal iko manyababkan diusianyo padagang-padagang Tamil dari pasisia Sumatera. Pado maso-maso barikuiknyo, padagangan kapua Barus mulai banyak dikuasoi dek padagang Minangkabau nan mandirikan koloni di pasisia barat jo timur Sumatera Utara. Koloni-koloni mareka tabantang dari Barus, Sorkam, hinggo Natal.

Kini suku banso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, jo Batak Mandailing.

                                     

2. Identitas Batak

Identitas Batak populer dalam sijarah Indonesia modern sasudah didirian sarato bagabuangnyo rang mudo Angkola, Mandailing, Karo, Toba, Simalungun, jo Pakpak di organisasi nan dinamokan Jong Batak taun 1926, tanpa mambedakan agamo dalam ciek kasapahaman:

Bahasa Batak kita begitu kaya akan Puisi, Pepatah dan Pribahasa nan mengandung satu dunia kebijaksanaan tersendiri, Bahasanya sama dari Utara ke Selatan, tapi terbagi jelas dalam berbagai dialek. Kita memiliki budaya sendiri, Aksara sendiri, Seni Bangunan nan tinggi mutunya nan sepanjang masa tetap membuktikan bahwa kita mempunyai nenek moyang nan perkasa, Sistem marga nan berlaku bagi semua kelompok penduduk negeri kita menunjukkan adanya tata negara nan bijak, kita berhak mendirikan sebuah persatuan Batak nan khas, nan dapat membela kepentingan kita dan melindungi budaya kuno itu

R.W Liddle mangatokan, baso sabalun abaik ka-20 di Sumatera bagian utara indak ado kalompok etnis sabagai satuan sosial nan koheren. Manuruiknyo sampaik abaik ka-19 interaksi sosial di daerah itu hanyo tabateh pado hubuangan antar individu, antar kalompok kakarabatan, atau antar kampuang. Ampiang indah ado kasadaran untuak manjadi bagian dari satuan-satuan sosial jo politik nan labiah gadang. Pandapek lain mangecekan, baso muncuanyo kasadaran tantang sabuah kaluarga gadang Batak baru tajadi pado zaman kolonial. Dalam disertasi J. Pardede mangamukokan baso istilah "Tanah Batak" jo "rakyaik Batak" dibuek dek pihak asiang. Sabaliaknya, Siti Omas Manurung, saurang istri dari putra pandeta Batak Toba manyatokan, baso sabalun datangnyo Ulando, sadoalah urang baiak Karo maupun Simalungun mangakui dirinyo Batak, dan Ulandolah nan alah mambuek tapisahnyo kalompok-kalompok tu. Sabuah mitos nan mamiliki babagai macam versi manyatokan, bahwa Pusuk Buhit, sabuah puncak di barat Danau Toba, adolah tampek lahia banso Batak. Salain itu mitos-mitos tu juo manyatokan baso niniak muyang urang Batak barasa dari Samosir.

Tabantuaknyo masyarakaik Batak nan tasusun dari baragam marga, sabagian disababkan dek adonyo migrasi kaluarga-kaluarga dari wilayah lain di Sumatera. Panallitian pantiang tantang tradisi Karo dilakukan dek J. H Neumann, manuruik sastra lisan jo transkripsi duo naskah satampek, iyolah Pustaka Kembaren jo Pustaka Ginting. Manuruik Pustaka Kembaren, daerah asa marga Kembaren dari Pagaruyuang di Minangkabau. Urang Tamil dipakirokan juo manjadi unsua pambantuak masyarakaik Karo. Hal iko nampak dari banyaknyo namo marga Karo nan diturunkan dari bahaso Tamil. Urang-urang Tamil nan manjadi padagang di pantai barat, lari ka padalaman Sumatera dek disarang pasukan Minangkabau nan datang dari abaik ka-14 untuak manguasoi Barus.

                                     

3. Salam khas Batak

Tiok puak Batak mampunyoi salam khasnyo surang-surang. Walaupun urang Batak tanamo jo salam Horas nyo, namun masih ado duo salam lai nan kurang populer yakni Mejuah-juah jo Njuah-juah. Horas pun ado sebutan surang-surang manuruik puak nan manggunokannyo.

1. Pakpak:" Njuah-juah Mo Banta Karina! ”

2. Karo:" Mejuah-juah Kita Krina! ”

3. Toba:" Horas Jala Gabe Ma Di Hita Saluhutna! ”

4. Simalungun:" Horas banta Haganupan, Salam Habonaran Do Bona! ”

5. Mandailing jo Angkola:" Horas Tondi Madingin Pir Ma Tondi Matogu, Sayur Matua Bulung! ”

                                     

4.1. Arsitektur Rumah

Rumah adat urang Batak banamo Rumah Bolon Jabu Bolon. Rumah Bolon ko marupokan rumah adat nan dibangun di ateh tunggak-tunggak kayu nan manopangnyo mambantuak rumah pangguang. Atoknyo babantuak palano kudo, nan salayang tampak manyarupoi Rumah Gadang bagonjong duo, nan antaro bagian pangka jo ujuang mampunyoi panjang nan babeda. Manuruik carito, mulonyo Rumah Bolon ko manjadi tampek tingga rajo Batak nan 13.

Rumah Bolon ko marupokan rumah nan bisa diuni labiah dari ciek kaluarga. Rumah ko dapek diuni duo inggo anam kaluarga. Daulu walau banyak kaluarga nan mauni, indak ado basakek-sakek biliak di dalamnyo. Baru kini sajo dibuek basakek-sakek untuak manjago barang tiok kaluarga.

Rumah Bolon kini lah mulai jarang dibangun dek bahan pambangunannyo nan sarik sainggo paralu biaya maha. Masih dapek tasuo di sakitar Danau Toba. Panamoan Rumah Bolon untuak rumah adat urang Batak hanyo balaku di wilayah Batak Toba jo Simalungun. Di daerah Batak lainnyo mampunyoi namo jo bantuak nan babeda-beda.

Rumah adat Mandailing jo Angkola dinamokan jo Bagas Godang. Pado masyarakaik Karo dinamokan Siwaluh Jabu, sadangkan pado masyarakaik Pakpak dinamokan Jerro.