Back

ⓘ Suku Piliang




                                               

Batu Angkek-Angkek

Batu Angkek-Angkek talatak di Tanah Data, Batusangka. Baa disabuik Batu Angkek-Angkek, karano satiok urang nan basobok samo batu ko pasti panasaran nio maangkeknyo. Batu Angkek-Angkek tu mirip bantuak logam nan bawarna kuniang ado stek kacoklatan, tu ado bintiak-bintiak nan bawarna itam. Batu ko ampiang samo bantuaknyo samo pungguang kura-kura. Batu Angkek-Angkek patamo kali disobokan dek Datuak Bandaro Kayo katiko nio mamasang tonggak rumah. Caritonyo dulu, Datauk Bandaro Kayo ko adolah kapalo suku kaum Piliang. Datuak Bandaro Kayo bamimpi disobokan dek Syech Ahmad. Dalam mimpi tu, Syech ...

                                     

ⓘ Suku Piliang

Suku Piliang adolah salah satu suku nan ado dalam kalompok suku Minangkabau. Suku iko marupoan salah satu suku induak nan bakarabaik jo suku Koto mambantuak Adaik Katumanggungan nan juo tanamo jo Lareh Koto Piliang.

                                     

1. Etimologi

Manuruik A.A. Navis, kato Piliang tabantuak dari duo kato iyolah Pele aratinyo banyak jo Hyang aratinyo Dewa atau Tuhan. jadi Pelehyang aratinyo adolah banyak dewa. Iko manunjuakan baso di maso lampau, suku Piliang adolah suku pamuja banyak dewa, nan barangkali sarupo jo kapicayoan Hindu.

                                     

2. Sijarah

Ado juo versi nan mangatokan suku Piliang nan marupoan sudaro dari suku Koto, nan cenderung disabuik jo Koto Piliang barasa dari "Kato Pilihan". Koto barasa dari kato Ucapan jo Piliang barasa dari Pilihan, Unggulan. Jadi Koto Piliang adolah barasa dari Kato Pilihan. Dalam Tambo Minangkabau Koto Piliang adolah pamaciak tampuak kakuasoan pamarintahan karano DT. Katumanggungan badarah bangsawan rajo. Jadi dirunuik dari sinan adokalonyo kato pilihan asa kato Koto Piliang ado bananyo, karano kato rajo panguaso adolah kato-kato pilihan nan ka kalua dari muluiknyo.

                                     

3. Pamekaran

Suku iko maalami pamekaran manjadi babarapo pacahan suku yaitu:

  • Piliang Baruah
  • Piliang Kaciak Piliang Kecil
  • Piliang Godang Piliang Besar
  • Piliang Dalam
  • Piliang Bongsu
  • Piliang Bawah Kuantan Singingi
  • Koto Piliang di nagari Kacang, Solok jo Lubuk Jambi, Kuantan Mudik, Riau
  • Pili di nagari Talang, Sungai Puar Agam
  • Piliang Guguak di nagari Singkarak, Solok
  • Piliang Ateh Kuantan Singingi
  • Piliang Koto Kaciak
  • Piliang Guci Piliang di nagari Koto Gadang, Agam
  • Piliang Laweh di Tanjung Alam, Tanah Datar jo Piliang Lowe di "Kuantan Singingi)
  • Piliang Koto
  • Piliang Sani Piliang Soni di Kuantan Singingi, Riau jo nagari Singkarak, Solok
  • Piliang Cocoh,
  • Piliang Sati
  • Piliang Patar
  • Piliang Batu Karang di nagari Singkarak, Solok
                                     

4. Pasebaran

Suku iko banyak manyeba ka babagai wilayah Minangkabau iyolah Tanah Datar, Agam, Limo Puluah Koto, Solok, Riau, Padang, jo babarapo daerah lainnyo. Dari babarapo sumber, dikatahui indak ado suku iko di Pasisia Selatan jo Solok Selatan.

Wilayah Rantau dari Suku iko alah mancapai ampia saluruah wilayah nan ado di Indonesia, nan mancakuik wilayah Sumatera. Wilayah barat Riau, wilayah selatan Sumatera Utara, wilayah tenggara, selatan jo barat Aceh, wilayah utara Bengkulu, jo wilayah selatan Jambi.

                                     

5. Karabaik

Di bawah payuang suku Koto-Piliang, ado banyak suku lain nan banauang, diantaronyo adolah:

  • Suku Kampai
  • Suku Panai
  • suku Tanjung
  • suku Guci
  • Suku Malayu
  • Suku Sikumbang
  • Suku Bendang

Suku Piliang badatuak bakeh Datuak Katumanggungan di zaman Adityawarman. Gala-gala basa Adaik dalam Pasukuan Piliang antaro lain:

  • Datuk Mangkuto Rajo Lelo di Tanjung Alam Tanah Datar, Kabupaten Tanah Datar
  • Datuk Bandaro Biso di Tanjung Alam, Kabupaten Tanah Datar
  • Datuk Bandaro Panjang
                                     

6. Pautan lua

  • Milis RantauNet
  • Data Persukuan, Pemangku Adat Kuantan Singingi
  • Milis RantauNet Ninik Mamak Harus Memegang Kebenaran