Back

ⓘ Awaluddin Djamin




                                               

Januari 2019

Galombang dingin malanda Amerika Utaro, manewaskan saindaknyo sapuluah urang. Duo bom maledak di Katedral Bundo Gunuang Karmel, Sulu, Filipina jo manewaskan 27 urang sasudah dilaksanakannyo referendum Bangsamoro 2019. Abdullah dari Pahang dilantik manjadi Yang di-Pertuan Agong Malaysia ka-16. Nan sadang balansuang: Krisis kapresidenan Venezuela Kamatian terkini: Parhan Ali – Awaluddin Djamin – Saphira Indah Sakitar 59 urang maningga dek banjir jo galodo nan manarajang Sulawesi Selatan, Indonesia. Duo puluah limo urang ilang sarato ribuan urang kailangan tampek tingga. Mantan Presiden Panta ...

Awaluddin Djamin
                                     

ⓘ Awaluddin Djamin

Jenderal Polisi Dr. Awaloeddin Djamin, M.P.A. adolah Kapolri pariode 1978 - 1982. Baliau-pun tamasuak pajuang kamardekaan pado maso pajuangan malawan Balando.

                                     

1. Karier

Satamat SLTA, baliau malanjuik-an studinyo di Fakultas Ekonomi 1949-1950. Masuak manjadi prajurik polisi, lalu manampuah pandidikan di PTIK sampai luluih taun 1955. Baliau lalu ditampek-an pado bagian Sekretariat Jawatan Kepolisian Nagaro 1955 sarato manjabat Kasi Umum Sekretariat Jawatan Kepolisian Nagaro 1958. Sasudah tu baliau mampadalam studinyo di University of Pitsburgh sarato dilanjuik-an ka University of Southern California, Amerika Sarikaik, hinggo manggondol gala PhD pado 1962.

Sapulang dari Amerika Sarikaik, Awaloedin manjabat sabagai Lektor Lua Biaso PTIK 1964. Lalu, berturuik-turuik manjadi Direktur Kekaryaan Depak 1964, Anggota Musyawarah Pambantu Parancana Nasional 1965, Anggota DPRGR 1964-1966, Mantari Tanago Karajo Kabinet Ampera 1966, sarato Deputi Pangak Urusan Khusuih samaso Kapolri Hoegeng Iman Santoso 1968. Sabalun ditugehan sabagai Duta Basa RI untuak Jerman Barat 1976, talabiah dulu baliau manjadi Direktur Lembaga Administrasi Nagaro 1970. Lalu akhianyo, baliau dipanggia pulang ka Jakarta untuak dilantiak dek Presiden Soeharto manjadi Kapolri, pado 26 September 1978.

Awaloedin manjabat Kapolri salamo ampek taun, dari taun 1978 sampai taun 1982. Salain samaso kapamimpinannyo organisasi Polri diarahan pado kalambagaan nan dinamis jo profesional, pado maso Awaloedin pulo KUHAP UU No. 8 Taun 1981 sabagai hasil karya bangso Indonesia sandiri disahkan DPR-RI. KUHAP sabagai pangganti Het Herziene Inlandsh Reglement HIR, hukum acara pidana produk kolonial Belanda nan dianggap alah usang sarato indak manusiawi. Dalam hal iko, Polri baparan aktif manyumbangan pokok-pokok pikiran untuak materi KUHAP baru tu.

Hasratnyo dalam bidang pandidikan, tanyato alun ilang. Tabukti, Awaloedin masih pulo mangabdian dirinyo dalam pandidikan jo pangambangan profesi kapolisian. Sasudah indak lai manjadi Kapolri baliau masih basadio manjabat sabagai Dekan PTIK nan notabene barado di bawah Kapolri. Tapi kacintaan kapado Polri sarato demi nusa jo bangso mambuek Awaloedin indak namuah tajabak dalam status simbol. Mako baliau mamiliah tatap manarimo jabatan Dekan PTIK.

                                     

2. Bintang Jaso

Awaloedin manarimo sajumlah panghargaan sabagai tando jasonyo. Diantaronyo manarimo Bintang Dharma, Bintang Bhayangkara sarato Bintang Mahaputra Adipradana. Sarato pulo jo Satya Lencana Parang Kamardekaan I dan II, Satya Lencana Karya Bhakti, Satya Lencana Yana Utama, Satya Lencana Panca Warsa, Satya Lencana Penegak dan Satya Lencana Veteran Pejuang RI. Dari lua nagari, baliau manarimo Das Gross Rreuz Pamarentah Jerman Barat.